"Денсаулықты сақтау"тақырыбындағы ойын байқауы.

27 қараша күні дене шынықтыру пәнінің мұғалімі 5–9 сынып оқушыларымен «Салауатты болу» тақырыбында танымдық ойын-сайыс өткізді. Іс-шара барысында оқушыларға спорт, денсаулық және Олимпиада ойындары туралы қызықты сұрақтар қойылып, викториналық тапсырмалар ұсынылды.
Оқушылар экрандағы сұрақтарға белсенді жауап беріп, өз білімдерін шыңдады. Олимпиадалық рәміздер, спорт түрлері, спортшылар туралы мәліметтерді еске түсіріп, бір-бірімен пікір алмасты. Сабақ формасында өткен бұл ойын-сайыс балалардың логикалық ойлауын дамытып, спортқа деген қызығушылығын арттырды.
Шара өте тартымды әрі пайдалы өтті. Оқушылар салауатты өмір салтын сақтау туралы маңызды ақпарат алды және спорттың адам өміріндегі рөліне тағы да көз жеткізді.